لحد إمتا؟.. هى كلمات بسيطه وجدت نفسى أسردها فى يوم من الايام حينما كان يمر بى حادث ما (لحد اٍمتا) وبدون ان يصحح لى احد كلماتها فربما اعتبرها خاطره فهى ورقه من أوراقى وتقول بكل بساطه
لحد إمتا
هنخلـى الحزن يكســــرنا
ونتوه ف بحور مانعرفها
ويجى شيــطان يتوهـــنا
لحد إمتا
هنقول ياَدنيـا وندارى
بتغدرى ليه بأصحابها
وتبانى بشكـلك التانى
لحد إمتا
هندارى الحب فى حياتنا
ونهرب من حرفين اتنين
هم أجمل حرفبن بنعيش عليهم دنيتنا
لحد إمتا
يا حقيقه كل ما فينا وعرفنها
بنخدع حتـى نفسينا
ولو حتى فى صوره لمرايه لينا
لحد إمتا
نقسىِ .. ونظلم
نبكى .. ونحلم
نندم .. ونرجع تانى لدنيتنا
لحد إمتا
هتاخدنا يا موج فى دنيتنا
مره تطلع بينا لفوق
ومره تانيه نغوص فى أعماقها
لحد إمتا
هنقول يا ليل عدى
ونفضل مستنين..يمكن لسنين
شروق الشمس وأنـوارها
لحد إمتا
هتهزمنا دموع عنينا
حتى فى كل فرحه لينا
يا دموعنا بتهزمينا..
لحد إمتا
كلمة..( اَه)
هتفضل معانا ..
فى كل مكان دى ويانا
لحد إمتا
لحد إمتا..ولحد فين
هنفضل ماشيين..تايهين
فين سكتنا..ولمين رايحين
لحد إمتا .. لحد إمتا
